Լամբետուզա կղզիի մէջ գտնուող փախստականներու օգնութիւն` ֆրանչիսկոս Քահանայապետի անունով։
ֆրանչիսկոս Սրբազան Քահանայապետը կը շարունակէ մօտէն ու մեծ ուշադրութեամբ հտեւիլ Լամբետուզա
կղզի հասած փախստականներու կացութեան, անոնց կեանքով ու ապագայով։ Նորին Սրբութիւնը կղզի
ուղարկած էր իր մէկ պատուիրակը` գերապայծառ Գոնարտ Գրայեւսքին` պատասխանատու Վատիկանի
բարեսիրական մարմնին, որ մէկ շաբաթ կղզի անցնելով տեղեկագիր մը ներկայացուցած է Սրբազան
Քահանայապետին փախստականներու կացութեան մասին։ Կղզիի առաջնորդը իր խնդակցութիւնը յայտնած
է այս նախաձեռնութեան համար եւ յանուն բնակիչներուն ու փախստականներուն շնորհակալութիւն
յայտնած է ֆրանչիսկոս Քահանայապետի ցուցաբերած հոգատարութեան ու շնորհած պարգեւներուն
համար։